ES HET EMOOL...
2016:
Kha‘s no schlimmer kho?
JOOOOOO!
Die grööscht Natuurkatastrophe noon em Lothar wirblet verwirrt aber pointiert duur d Gastronomyy und Theater vo Basel.
Dr Schnitzelbangg Giftspritzi isch geboore!
Uffgwaggse im Kloschter vo Hääsige und syt dr eerschte Stund vernarrt in d Frau Fasnacht isch är uss em dunggle Verlies (sym Väärs-Laboor) diräggt und ruggsichtloos uff d Brätter, wo d Fasnachtswält bedütte, aabedätscht!
Das isch d Gschicht vom ene duureknallte Chemiker, wo s Publikum vo Afang aa liebe gleernt het und scho zem zäänte Mool s ainte oder andere Gift mischt - zem mit dr Noodle uff die z zyyle, wo duur s Joor Saich gmacht hänn.
- Dr VW-Skandaal erschütteret die ganzi Auti-Industryy…
- e Trömpel wird Waahlsiiger in de USA… (y ha grad e Deschavüü, Anm. d. Red.)
- und d Brite stimme fir dr Ussdritt uss dr EU.
Kha‘s no schlimmer kho?
JOOOOOO!
Die grööscht Natuurkatastrophe noon em Lothar wirblet verwirrt aber pointiert duur d Gastronomyy und Theater vo Basel.
Dr Schnitzelbangg Giftspritzi isch geboore!
Uffgwaggse im Kloschter vo Hääsige und syt dr eerschte Stund vernarrt in d Frau Fasnacht isch är uss em dunggle Verlies (sym Väärs-Laboor) diräggt und ruggsichtloos uff d Brätter, wo d Fasnachtswält bedütte, aabedätscht!
Das isch d Gschicht vom ene duureknallte Chemiker, wo s Publikum vo Afang aa liebe gleernt het und scho zem zäänte Mool s ainte oder andere Gift mischt - zem mit dr Noodle uff die z zyyle, wo duur s Joor Saich gmacht hänn.
Sythäär het är scho mänggi tolli Erfaahrige deerfe sammle: Aagfange bi Uffdritt an Vorfasnachtsveraastaltige wie s Ridicule, Läggerli oder Källerstraich bis zu Gaschtuffdritt im Baselbiet, Kriegsstette und Baade - au noo Luzäärn het är's scho gschafft! Dodruss sinn Frindschafte und Engagements entstande, wo zem Dail jööhrligg wieder uffgläbbt wäärde.
Sogaar Internationaal isch äär oft e gäärn gseehene Gascht - zem Bischbyyl in Lörrach-Stette oder am ene Zunftoobe im Züüribiet.
Im Joor 2022 isch är vo dr Bäckerei Kübler als aini vo drey Dreyköönigskueche-Fasnachtsfiguure g‘eehrt woorde und het esoo quasi dr Daig im Stuurm erooberet.
Au im Internet hinterlosst äär syt längerer Zyt siini Spuure: mit siinere Rubrigg „Väärs-Laboor“ postet äär brandaggduelli Väärs und begeischteret esoo fascht monaatligg siini treue Frinde uff Facebook und Instagram.
Sogaar Internationaal isch äär oft e gäärn gseehene Gascht - zem Bischbyyl in Lörrach-Stette oder am ene Zunftoobe im Züüribiet.
Im Joor 2022 isch är vo dr Bäckerei Kübler als aini vo drey Dreyköönigskueche-Fasnachtsfiguure g‘eehrt woorde und het esoo quasi dr Daig im Stuurm erooberet.
Au im Internet hinterlosst äär syt längerer Zyt siini Spuure: mit siinere Rubrigg „Väärs-Laboor“ postet äär brandaggduelli Väärs und begeischteret esoo fascht monaatligg siini treue Frinde uff Facebook und Instagram.
Grund gnueg fir dr Ewald JJ. G. Spritzi (wie d Giftspritzi mit bürgerliggem Namme heisst), sich bi siine treue Understitzer und Frinde z bedangge - und DAS het‘s in sich!
Mit em Motto „10 Joor Väärs-Laboor“ sinn voor- und während dr Fasnacht diväärsi Aggtioone blaant; so git‘s zem Bischbyyl e grosse Wettbewäärb fir alli Giftspritzi-Frinde (wo me unter anderem e Uffdritt vo ihm gwinne kha), wie au e Album mit eme Ruggbligg, queer duur siini Väärs vo de letschte 9 Joor und em Song „Dangge fir dr Applaus!“.
Drmit isch d Giftspritzi dr erscht Schnitzelbangg in dr Gschicht, wo d Uffnaahme vo siine Uffdritt uff Streamingplattfoorme daile duet.
Mool luege, was är suscht no alles im Köcher het...;-)
Mit em Motto „10 Joor Väärs-Laboor“ sinn voor- und während dr Fasnacht diväärsi Aggtioone blaant; so git‘s zem Bischbyyl e grosse Wettbewäärb fir alli Giftspritzi-Frinde (wo me unter anderem e Uffdritt vo ihm gwinne kha), wie au e Album mit eme Ruggbligg, queer duur siini Väärs vo de letschte 9 Joor und em Song „Dangge fir dr Applaus!“.
Drmit isch d Giftspritzi dr erscht Schnitzelbangg in dr Gschicht, wo d Uffnaahme vo siine Uffdritt uff Streamingplattfoorme daile duet.
Mool luege, was är suscht no alles im Köcher het...;-)
Ah... und imfall: